ବିନା ଅନୁମତିରେ ବୁଲୁଛି କାଳିଆ ପ୍ରଚାର ଗାଡି :ବିଜେପି

ରାଜ୍ୟ ନିର୍ବାଚନ ଅଧିକାରୀଙ୍କ ଆଗରେ ଫେରାଦ ହେଲା ବିଜେପି

 କାଳିଆ ଯୋଜନାରେ ସବୁ ସା୍ଥନରେ ଲାଗିଛି  ବଡ ବଡ ବେଆଇନ ହୋଡିଂ
 ଆଦର୍ଶ ଆଚରଣ ବିଧି ଲାଗୁ ହୋଇଥିଲା ବେଳେ କାଳିଆ ଯୋଜନା ଭଳି ସରକାରୀ ଯୋଜନାର ପ୍ରଚାର ହେବା ବେଆଇନ

ଭୁୁବନେଶ୍ୱର, ତା ୨୮/୦୩: ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ସହିତ ବିଜୁଜନତା ଦଳର ଭିତିରି ସଂପର୍କ ରହିଛି । ନିର୍ବାଚନର ଆଦର୍ଶ ଆଚରଣବିଧି ଲାଗୁ ହେବା ପରେ ବି ପୁରୀରେ ବିନା ଅନୁମତିରେ ବେଆଇନ ଭାବେ କାଳିଆ ପ୍ରଚାର ଗାଡି ବୁଲୁଛି । ସେହିପରି କାଠଯୋଡି ବ୍ରିଜ ପାଖରେ ୧୦୦ ଫୁଟର ହୋଡିଂ ଲାଗିଛି । ବାରମ୍ବାର ଅଭିଯୋଗ ପରେ ବି ନିର୍ବାଚନ ଅଧିକାରୀ ଶାସକ ବିଜେଡି ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନେଉନାହାଁନ୍ତି । ବିଜେପି ରାଜ୍ୟ ଉପସଭାପତି ସମୀର ମହାନ୍ତିଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟି  କାଳିଆ ଯୋଜନା ପ୍ରଚାର ଗାଡି ଏବଂ ଶାସକ ବିଜେଡି ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛି । ଏଥି ସହ ସାଧାରଣ ନିର୍ବାଚନକୁ ମୁକ୍ତ, ଅବାଧ ଏବଂ ନିପରେକ୍ଷ କରିବାକୁ ନିର୍ବାଚନ କମିଶନଙ୍କ ଆଗରେ ଦଳ ଦାବି କରିଛି ।
କାଳିଆ ଯୋଜନାରେ ବଡ ବଡ ହୋଡିଂ ଲଗାଯାଇଛି । କାଠଯୋଡି ବ୍ରିଜ ଉପରେ ୧୦୦ ଫୁଟର କାଳିଆ ହୋଡିଂ ଲାଗିଛି । ପୁରୀ ରେ କାଳିଆ ଭ୍ୟାନ (ନମ୍ବର –ଐଜ ୬୭ ଉ - ୪୨୭୧) ବୁଲୁଛି । ଗାଡିକୁ ତୁରନ୍ତ ଜବତ କରିବା ସହ ବିନା ଅନୁମତିରେ ଏଭଳି ଗାଡି ବୁଲି ଶାସକ ବିଜେଡିର ପ୍ରଚାର କରୁଥିବାରୁ ତୁରନ୍ତ ଏହା ଉପରେ ରୋକ ଲଗାଇ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦଳ ପକ୍ଷରୁ ଦାବି କରାଯାଇଛି ।
ଏହି ପ୍ରତିନିଧୀ ଦଳରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ମିଶ୍ର ଓ ଜୀବନ ସାହୁ, କୃଷକ ମୋର୍ଚ୍ଚା ସାଧାରଣ ସଂପାଦକ ସୁରଥ ବିଶ୍ୱାଳ , ଆଇନଜୀବୀ ରବିଶଙ୍କର ପଟ୍ଟନାୟକ ଓ ଜୟନ୍ତ ଜେନା ପ୍ରମୁଖ ସାମିଲ ଥିଲେ ।