ଜିଲ୍ଲା ପ୍ରଶାସନ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରି ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହେଲା ବିଜେପି
ଭୁୁବନେଶ୍ୱର, ତା.୨୭/୦୩: ନିର୍ବାଚନ କମିଶନଙ୍କ ଗାଇଡ ଲାଇନ ଅନୁଯାୟୀ ବିଜେପି ଲଗାଇଥିବା ହୋଡିଂକୁ ଉଦ୍ଦେଶ୍ୟମୂଳକ ଭାବେ ଜିଲ୍ଲା ପ୍ରଶାସନ କାଢିବା ସଂପୂର୍ଣ୍ଣରୂପେ ବେଆଇନ । ଆଇନ ଅନୁଯାୟୀ ବିଜେପି ଦଳ ପକ୍ଷରୁ ନୟାଗଡ ଠାରେ ହୋଡିଂ ଲଗାଯାଇଥିଲା । ଆଜିର ନୟାଗଡରେ ଥିବା ସାଧାରଣ ସଭା କାର୍ଯ୍ୟକ୍ରମ ପାଇଁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଷ୍ଟ୍ରୀୟ ଉପସଭାପତି ଓ ରାଷ୍ଟ୍ରୀୟ ପ୍ରବକ୍ତା ବୈଜୟନ୍ତ ପଣ୍ଡା ଏବଂ ବିଜେପିର ବରିଷ୍ଠ ନେତା ଡା. ଦାମୋଦର ରାଉତଙ୍କ ପୋଷ୍ଟର ହୋଡିଂକୁ ଜିଲ୍ଲା ପ୍ରଶାସନ ପକ୍ଷରୁ କଢା ଯାଇଛି । ଏହା ସଂପୂର୍ଣ୍ଣରୂପେ ଆଇନ ବିରୋଧୀ ଦର୍ଶାଇ ତଥ୍ୟ ପ୍ରମାଣ ସହ ରାଜ୍ୟ ଉପସଭାପତି ସମୀର ମହାନ୍ତିଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ରାଜ୍ୟ ନିର୍ବାଚନ ଅଧିକାରୀଙ୍କୁ ଭେଟି ଦୃଢ କାର୍ଯ୍ୟାନୁଷ୍ଠାନ ଦାବି କରିଛି ।
ଶ୍ରୀ ମହାନ୍ତି କହିଛନ୍ତି ଯେ, ରାଜନୈତିକ ବିରୋଧୀ ଦଳ ପ୍ରତି ଜିଲ୍ଲା ପ୍ରଶାସନ ଅସହିଷ୍ଣୁ ହୋଇ ପଡିଛି । ଶାସକ ଦଳର ହୋଡିଂକୁ ଜିଲ୍ଲା ପ୍ରଶାସନ ସୁରକ୍ଷା ଦେଉଥିବାବେଳେ ବିରୋଧୀଦଳର ପୋଷ୍ଟରକୁ ଚିରି ଦିଆଯାଉଛି । ଜିଲ୍ଲା ପ୍ରଶାସନ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ସହ ରାଜ୍ୟରେ ମୁକ୍ତ ଅବାଧ ଏବଂ ନିରପେକ୍ଷ ନିର୍ବାଚନ କରିବାକୁ ଦଳ ପକ୍ଷରୁ ଦାବି ହୋଇଛି ।
ବିଜେପିର ଏହି ପ୍ରତିନିଧି ଦଳରେ ରାଜ୍ୟ ସଂପାଦିକା ଡ. ଲେଖାଶ୍ରୀ ସାମନ୍ତ ସିଂହାର ଏବଂ ଆଇନଜୀବୀ ଜୟନ୍ତ ଜେନା ପ୍ରମୁଖ ସାମିଲ ଥିଲେ ।
Comments
Post a Comment