ଦୃଷ୍ଟି ସ୍ତ୍ରୀ ପ୍ରବୋଧନ ଏବଂ ଅଧ୍ୟୟନ କେନ୍ଦ୍ର ଦ୍ୱାରା ଭାରତରେ ମହିଳାଙ୍କ ସ୍ଥିତି କୁ ନେଇ କରାଯାଇଥିବା ସର୍ଭେ ରିପୋର୍ଟର ଲୋକାର୍ପଣ କାର୍ଯ୍ୟକ୍ରମରେ ସରସଂଘଚାଳକଜୀ ସମ୍ବୋଧନ କରିଥିଲେ । ସେ କହିଲେ ଯେ, ମହିଳାଙ୍କ ବିକାଶରେ ଉତ୍ଥାନର ପଥପ୍ରଦର୍ଶକ ପୁରୁଷ ହୋଇ ପାରିବେ ନାହିଁ, ମହିଳା ସ୍ୱୟଂ ସମର୍ଥ । ପୁରଷ ମହିଳାଙ୍କ ଉତ୍ଥାନ କରି ପାରିବେ, କରୁଛନ୍ତି, ଏପରି ଅହଂକାର ମନରେ ଆଣିବା ଅନୁଚିତ । \nସରସଂଘଚାଳକଜୀ କହିଲେ ମହିଳାଙ୍କ ଉତ୍ଥାନ ପାଇଁ ପୁରୁଷବର୍ଗଙ୍କୁ ପ୍ରବୋଧନର ଆବଶ୍ୟକତା ଅଛି । ପରିବାରରେ ଥିବା ମହିଳାଙ୍କ ଶକ୍ତିକୁ ଆମେ ଭୁଲି ଯାଉଛୁ । ସେମାନେ କଣ କଣ କରିପାରନ୍ତି । ମହିଳାମାନେ ମଧ୍ୟ ନିଜର ସ୍ଥିତିକୁ ବୁଝିବା ଦରକାର । ସେମାନେ ବାହାରକୁ ଆସିବା ଦରକାର । ଯାହା କରିବାର ଅଛି ସେମାନଙ୍କୁ ସ୍ୱାଧୀନତା ଦେବାକୁ ହେବ । ସେମାନଙ୍କୁ ସୁଯୋଗ ଦେବା ଉଚିତ । ସେଥିପାଇଁ ସେମାନଙ୍କୁ ପ୍ରଶିକ୍ଷଣ ଓ ପ୍ରବୋଧନ ଦେବା ଉଚିତ ।
ମୋହନ ଭାଗୱତ କହିଲେ ଯେ ମହିଳାମାନେ ଜଗତ ଜନନୀର ଅଂଶ । ସେମାନଙ୍କ ନିକଟରେ ସୃଷ୍ଟି ନିର୍ମାଣ ଶକ୍ତି ଅଛି । ସୃଷ୍ଟି ପାଳନ କରିବାର ଶକ୍ତି ମଧ୍ୟ ଅଛି । ଏତେ ଶକ୍ତି ସେମାନଙ୍କ ନିକଟରେ ଅନ୍ତନିର୍ହିତ । ଏହି ଶକ୍ତିର ପ୍ରମୁଖ କାରଣ ହେଉଛି ତାଙ୍କ ନିକଟରେ ବାତ୍ସଲ୍ୟ । ସମାଜକୁ ଯୋଡେ, ଉନ୍ନତି କରେ ଧର୍ମ । ଧର୍ମ କାର୍ଯ୍ୟର ଅଧିକାର ସନ୍ନ୍ୟାସୀ ନୁହଁନ୍ତି କି ବ୍ରହ୍ମଚାରୀ ନୁହଁନ୍ତି । ସମାଜକୁ ଯୋଡିବା ବା ଉପରକୁ ଉଠାଇବାର ଯେଉଁ କାର୍ଯ୍ୟ ହେଉଛି ସେଥିପାଇଁ ଗୃହସ୍ତଙ୍କର ଭୂମିକା ରହିଛି । କାରଣ ଏଥିପାଇଁ ଦୁଇ (ପୁରୁଷ ଓ ମହିଳା)ଙ୍କର ଆବଶ୍ୟକ । \nସେ କହିଲେ ଯେ, ମହିଳାଙ୍କ ବିକାଶର ରାସ୍ତା ପୁରୁଷ ସ୍ଥିର କରି ପାରିବେ ନାହିଁ । ମାତୃଶକ୍ତିମାନେ ବଭିନ୍ନ ସ୍ଥାନକୁ ଯାଇ ଏହି ସର୍ଭେ କରିଛନ୍ତି । ଦେଶରେ ମହିଳାଙ୍କ ମଧ୍ୟରେ ମଲ୍ଟିଟ୍ରାକିଂ ଏକ୍ସପର୍ଟ ମଧ୍ୟ ଅଛନ୍ତି । ଏହା କରି ଦେଖାଇଛନ୍ତି । ପୁରୁଷବର୍ଗଙ୍କୁ ଆହ୍ୱାନ ସେମାନେ ସର୍ଭେକୁ ଅଧ୍ୟୟନ କର ତଥା ପ୍ରୋତ୍ସାହନ ଓ ସ୍ୱାଧୀନତାର କାର୍ଯ୍ୟ ନିଜ ଘରୁ ଆରମ୍ଭ କରନ୍ତୁ ।\
କେନ୍ଦ୍ର ଅର୍ଥମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ କହିଲେ ଯେ ଆଇନ୍ର ସମର୍ଥନ ମଧ୍ୟ ଆବଶ୍ୟକ । ମହିଳାମାନଙ୍କୁ ଆଗକୁ ଆସି ବିଭିନ୍ନ କାର୍ଯ୍ୟରେ ଭାଗ ନେବା ଉଚିତ । ଅସୁରକ୍ଷା ଭାବ ପରିତ୍ୟାଗ କରିବାକୁ ହେବ । ଭାରତର ଅନୁସନ୍ଧାନ କ୍ଷେତ୍ରରେ ମଧ୍ୟ ମହିଳାମାନେ ମଧ୍ୟ କାର୍ଯ୍ୟରତ । ଆରକ୍ଷଣ ଦାବି କରିବା ଭୁଲ ନୁହେଁ । କିନ୍ତୁ ଆମକୁ ମଧ୍ୟ ଚ୍ୟାଲେଂଜ ନେବାକୁ ହେବ । ମହିଳାମାନେ ଯେପଯ୍ୟନ୍ତ ଆଗକୁ ଆସି ନିଜର ଦାବି ଉପସ୍ଥାପନ ନକରିଛନ୍ତି ସେପର୍ଯ୍ୟନ୍ତ କେହି ଶୁଣିବେ ନାହିଁ ।
ଦେଶର ୨୯ଟି ରାଜ୍ୟ ୭ଟି କେନ୍ଦ୍ରଶାସିତ ଅଂଚଳର ୪୬୫ଟି ଜିଲ୍ଲାର ମହିଳାଙ୍କୁ ନେଇ ବର୍ତ୍ତମାନ ସବୁଠାରୁ ବଡ ଅଧ୍ୟୟନ କରାଯାଇଛି । ୧୮ ବର୍ଷରୁ ଉଦ୍ଧ୍ୱର୍ ବୟସର ୪୩,୨୫୫ ଜଣ ମହିଳାଙ୍କ ସହିତ ସାକ୍ଷାତକାର ହୋଇଛି । ଅନ୍ତରାଷ୍ଟ୍ରୀୟ ସୀମାରେ ଥିବା ୧୦୬ଟି ଜିଲ୍ଲା ମଧ୍ୟରୁ ୭୦ଜିଲ୍ଲାର ମହିଳାଙ୍କ ରାୟ ମଧ୍ୟ ଏହି ଅଧ୍ୟୟନରେ ସାମିଲ ହୋଇଛି । ଏହି କ୍ରମରେ ୨୫ଟି ରାଜ୍ୟ ଏବଂ ୨ କେନ୍ଦ୍ରଶାସିତ ପ୍ରଦେଶର ୨୮୩ ଜିଲ୍ଲାରେ ୧୮ ବର୍ଷରୁ କମ ବୟସର ୭୬୭୫ ବାଳିକାଙ୍କର ମଧ୍ୟ ସାକ୍ଷାତକାର ନିଆଯାଇଛି ।
Comments
Post a Comment